ប្រមុខក្រសួងមហាផ្ទៃបញ្ជាឱ្យអគ្គស្នងការនគរបាល ជាតិ ដែលមានស្នងការនគរបាលរាជធានី-ខេត្ត ជា សេនាធិការ ផ្អាកជាបណ្តោះអាសន្នការអនុវត្តច្បាប់ ស្តីពីចរាចរណ៍ផ្លូវគោក រហូតដល់មានការបញ្ជាក់ជាថ្មី នាពេលក្រោយ។
(ភ្នំពេញ):មុននេះបន្តិចឯកឧត្តម អភិសន្តិបណ្ឌិតស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបង្ហោះសំណេរលេីបណ្តាញទំនាក់ទំនងសង្គមផ្លូវការរបស់ឯឧត្តមដែលមានខ្លឹមសារដូចខាងក្រោម:
បងប្អូនជនរួមជាតិ ជាទីគោរព!
ចាប់ពីយប់ថ្ងៃទី២៥ ខែកក្កដា ឆ្នាំ២០២៥នេះតទៅ តែម្តង ខ្ញុំសម្រេចបញ្ជាឱ្យអគ្គស្នងការនគរបាល ជាតិ ដែលមានស្នងការនគរបាលរាជធានី-ខេត្ត ជា សេនាធិការ ផ្អាកជាបណ្តោះអាសន្នការអនុវត្តច្បាប់ ស្តីពីចរាចរណ៍ផ្លូវគោក រហូតដល់មានការបញ្ជាក់ជាថ្មី នាពេលក្រោយ។
ក្នុងចន្លោះពេលនេះ មន្ត្រីនគរបាលចរាចរណ៍ទូទាំង ប្រទេស និងបន្តអនុវត្តតួនាទីភារកិច្ច សម្របសម្រួល ការធ្វើចរាចរណ៍តាមដងផ្លូវសាធារណៈ ជាពិសេស ការដឹងនូវភាពសំខាន់ៗដែលមានការធ្វើចរាចរណ៍ ដងផ្លូវជាតិសំខាន់ៗ ដែលមានការធ្វើចរាចរណ៍ របស់កងកម្លាំង អាជ្ញាធរមានសមត្ថកិច្ច និង ប្រជាពលរដ្ឋ ក្នុងបេសកកម្មការពារបូរណភាពទឹកដី និងអធិបតេយ្យភាពជាតិ។
ក្នុងពេលជាមួយគ្នានេះ ខ្ញុំសូមអំពាវនាវដោយ ទទូច សូមបងប្អូនជនរួមជាតិ ដែលធ្វើដំណើរ តាមដងផ្លូវមេត្តាគោរពច្បាប់ បើកបរប្រកបដោយ ការទទួលខុសត្រូវ ដើម្បីធានាសុវត្ថិភាព និងអាយុជីវិត របស់បងប្អូនផ្ទាល់ រួមទាំងអ្នកដំណើរផ្សេងទៀតលើ ដងផ្លូវ។
សូមអរគុណ!
ផ្សាយ:ថ្ងៃទី២៥ ខែកក្កដា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)