ឯកឧត្តម ម៉ាង ស៊ីណេត អភិបាលខេត្តព្រះសីហនុ អញ្ជើញចុះសំណេះសំណាល សួរសុខទុក្ខ ព្រមទាំងនាំយកកូនឈេី ចែក និងដាំជូនគ្រួសារអតីតយុទ្ធជនចំនួន ២០គ្រួសារ ស្ថិតនៅស្រុកស្ទឹងហាវ។
(ខេត្តព្រះសីហនុ): នាព្រឹកថ្ងៃទី១៥ ខែមិថុនា ឆ្នាំ២០២៥ ឯកឧត្តម ម៉ាង ស៊ីណេត អភិបាលនៃ គណ:អភិបាលខេត្តព្រះសីហនុ បានអញ្ជើញចុះសំណេះសំណាល សួរសុខទុក្ខ ព្រមទាំងនាំយកកូនឈេី ចែក និងដាំជូនគ្រួសារអតីតយុទ្ធជនដែល ទើបទទួលបានផ្ទះ និងដីសម្បទានសង្គមកិច្ច ចំនួន ២០គ្រួសារ ដែលមានទីតាំងស្ថិតនៅភូមិ១ ឃុំ ទំនប់រលក ស្រុកស្ទឹងហាវ ខេត្តព្រះសីហនុ។
ឆ្លៀតក្នុងឨកាសនោះ ឯកឧត្តម ម៉ាង ស៊ីណេត ក៏បានពាំនាំនូវការផ្តាំផ្ញើសួរសុខទុក្ខ និងជូនពរ ជូនចំពោះគ្រួសារអតីតយុទ្ធជនពីសំណាក់ សម្តេច អគ្គមហាសេនាបតីតេជោ ហ៊ុន សែន ប្រធាន ព្រឹទ្ធសភា នៃព្រះរាជាណាចក្រកម្ពុជា និងជា ប្រធានសមាគមអតីតយុទ្ធជនកម្ពុជា និងសម្តេច មហាបររធិបតី ហ៊ុន ម៉ាណែត នាយករដ្ឋមន្ត្រី នៃ ព្រះរាជាណាចក្រកម្ពុជា ដែលជានិច្ចកាលសម្តេចទាំងទ្វេរ តែងតែគិតគូរយកចិត្តទុកដាក់ខ្ពស់ក្នុងការ លើកកម្ពស់សុខុមាលភាព និងជីវភាពរស់នៅរបស់ បងប្អូនអតីតយុទ្ធជន ឱ្យកាន់តែល្អប្រសើរ។
ឯកឧត្តម អភិបាលខេត្តក៏បានគូសបញ្ជក់ដែរថាទាក់ទងទៅនឹងបញ្ហាព្រំដែនសូមបងប្អូនស្ងប់អារម្មណ៍ កុំមានការភ័យខ្លាចត្រូវជឿជាក់នឹងទុកចិត្តទៅលេីប្រមុខរាជរដ្ឋាភិបាលដែលមានសម្តេចបវរធិបតី នាយករដ្ឋមន្ត្រីនៃព្រះរាជាណាចក្រកម្ពុជា ព្រោះសម្តេចគឺជាមេទ័ពដែលទទួលបានការអប់រំសិក្សាខ្ពស់ក្នុងផ្នែកយោធា សម្តេចធិបតីបានបញ្ចប់ការសិក្សាថ្នាក់បណ្ឌិតយោធាពីសាលា WestPoint ក្នុងសហរដ្ឋអាមេរិកដែលជាសាលាលំដាប់ពិភពលោកសំរាប់បណ្តុះបណ្តាលវិស័យយោធា និងប្រកបដោយចំណេះដឹងខ្ពស់ក្នុងការការពារជាតិមាតុភូមិ ជាពិសេសគឺសម្តេចអគ្គមហាសេនាបតីតេជោរ ហ៊ុន សែន ប្រធានព្រឹទ្ធសភា ព្រោះសម្តេចជាមគ្គុទេសក៍ឯក និងជាបិតាស្ថាបនាសន្តិភាពតែមួយគត់ សំរាប់ប្រជាពលរដ្ឋទាំងអស់ក្នុងប្រទេស ដូច្នេះយេីងត្រូវតែមានជំនឿជឿជាក់ទៅលេីសម្តេចទាំងពីរ។
កូនឈើដែលត្រូវចែកជូនគ្រួសារអតីតយុទ្ធជនចំនួន ២០គ្រួសារ ក្នុង ១គ្រួសារទទួលបាន
-ស្អំ ១០០ដើម
-ដូង ១០ដើម
-ខ្នុរ ១០ដើម
-សាវម៉ាវ ១០ដើម
ជាមួយគ្នានោះ បងប្អូនដែលជាអតីតយុវជនក៏បានសម្តែងនូវទឹកចិត្តសប្បាយរីករាយ អរគុណដល់ថ្នាក់ដឹកនាំខេត្តព្រះសីហនុគ្រប់ជាន់ថ្នាក់ ជាពិសេសគឺការដឹងគុណដល់សម្តេចទាំងពីរដែលតែងតែជួយជ្រោមជ្រែង គិតគូរពីសុខទុក្ខរបស់បងប្អូន ។
ផ្សាយ:ថ្ងៃទី១៥ ខែមិថុនា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(HarryVS)
