ភ្នំពេញ÷នារសៀលថ្ងៃទី ២២ខែកក្កដា ឆ្នាំ ២០២២ នេះក្រុមកូដក ជាច្រើននាក់បានចេញមកធ្វើកូដកម្ម ដើម្បីទាមទារនូវលក្ខខណ្ឌការងារមួយចំនួន ពីក្រុមហ៊ុនណាហ្គាវើលដ៏ នៅចំណុចរង្វង់មូលនាគបាញ់ទឹក ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ក្នុងនោះដែរឃើញមានវត្តមានអាជ្ញាធរនិងកម្លាំងសមត្ថកិច្ចជាច្រើន រារាំងទប់ស្កាត់ បង្ក្រាបលើក្រុមកូដករណាហ្គាវើលដ៍(Naga World ) ដើម្បីកុំឲ្យកូដករ ចូលទៅដល់ណាហ្គាវើលដ៏ ការបង្ក្រាបនេះ គឺពេលដែលក្រុមកូដករប្រមាណជាង១រយ(១០០)នាក់ នៅតែចេញមកតវ៉ាដោយមិនរាថយ ទោះបីអាជ្ញាធរបិទផ្លូវរារាំងដោយរនាំងដែក និងដាក់ពង្រាយកម្លាំង ផ្លាស់ប្ដូរគ្នាមកឈរយាមយ៉ាងតឹងរ៉ឹង មិនឲ្យក្រុមកូដករ ចូលទៅធ្វើកូដកម្មដោយសន្តិវិធីនៅមុខក្រុមហ៊ុន ។
សមត្ថកិច្ច បានរារាំង និងប្រតាយប្រតប់គ្នារហូតបណ្តាលឲ្យកូដករមួយចំនួនរងរបួសផងដែរ ៕