គម្រោងស្ថាបនាផ្លូវបេតុង ចំនួន៨ខ្សែ ស្ថិតនៅក្នុងសង្កាត់ទាំងបួន នៃក្រុងព្រះសីហនុ ត្រូវបានប្រកាសដាក់អោយដេញថ្លៃ.
(ខេត្តព្រះសីហនុ):នៅព្រឹកថ្ងៃទី៩ ខែឧសភា ឆ្នាំ២០២៥ លោក ឃាង ភារម្យ នាយកទីចាត់ការផែនការវិនិយោគសាលាខេត្តព្រះសីហនុ បានអញ្ជេីញចូលរួមដឹកនាំក្នុងពិធីបេីកគម្រោងដេញថ្លៃមូលនិធិសង្កាត់ស្ថាបនាផ្លូវបេតុងចំនួន ៨ខ្សែ ក្នុងសង្កាត់ទាំងបួន នៃក្រុងព្រះសីហនុ នៅក្នុងសាលប្រជុំរបស់សាលាក្រុងព្រះសីហនុ ដែលមានទីតាំងស្ថិតនៅក្នុងសង្កាត់៤ ដោយមានការអញ្ជេីញចូលរួមពីសំណាក់ស្មៀន ចៅសង្កាត់ទាំងបួន មន្ត្រីរដ្ឋបាលសាលាក្រុងព្រះសីហនុ តំណាង និងម្ចាស់គំរោងផ្ទាល់ជាច្រេីនរូប.
ជាលទ្ធផលក្រោយប្រកាសដាក់អោយដេញថ្លៃរួចមកមានក្រុមហ៊ុនទទួលម៉ៅការដេញថ្លៃធំចំនួន៣ ទទួលបានសិទ្ធិក្នុងគម្រោងខាងលេីនេះទីមួយបានទៅលេីលោក ម៉េង ឡាស្កា ម្ចាស់ក្រុមហ៊ុន ម៉េង ឡាស្កា Co.,LTD. ទីពីរបានទៅលេីលោក ហម សុខ ម្ចាស់ក្រុមហ៊ុន សុខ ស្រីមុំ និងទីបីគឺ ស៊ន ង៉ែត ដោយឡែកបន្ទាប់ពីទទួលសិទ្ធិក្នុងការ
ដេញថ្លៃស្ថាបនាផ្លូវបេតុងនេះរួច តំណាងក្រុមហ៊ុននីមួយៗបានឡេីងធ្វេីការប្តេជ្ញាចិត្តនឹងធ្វេីអោយគ្រប់ស្តង់ដារតាមលក្ខខណ្ឌបច្ចេកទេស បទដ្ឋានដូចដែលមានចែងក្នុងកិច្ចសន្យា
ទន្ទឹមនឹងនោះលោក ឃាង ភារម្យ នាយកទីចាត់ការផែនការវិនិយោគខេត្តព្រះសីហនុ ក៏បានមានមតិផ្តាំផ្ញេីដល់ក្រុមហ៊ុនទាំងអស់ត្រូវតែធ្វេីល្អប្រសេីរ ជោគជ័យស្របតាមនីតិវិធីដេញថ្លៃ.លោកក៏បានស្នេីរសុំដល់បងប្អូនដែលមានសំណង់ក្នុងមូលដ្ឋានដែលសង់ចូលក្នុងចំណីផ្លូវរដ្ឋមេត្តាយោគយល រុះរេីសដេីម្បីទុកលទ្ធភាពអោយក្រុមហ៊ុនធ្វេីការស្ថាបនាអោយបានរលូន.
លោកក៏បានផ្តាំផ្ញេីដល់ចៅសង្កាត់ត្រូវចាត់មន្ត្រីរបស់ខ្លួនចុះពិនិត្យរាល់ពេលដែលគ្រប់ហ៊ុនកំពុងសាងសង ហេីយក្រុមហ៊ុនត្រូវមានភាពស្មោះត្រង់ បេីមានបញ្ហាមិនប្រក្រតីណាមួយត្រូវរាយការណ៍មកសង្កាត់ឫក៏សាលាខេត្ត ហេីយបេីមិនគោរពកិច្ចសន្យាខុសស្តងដារ បច្ចេទេសក្រុមហ៊ុននឹងត្រូវបានបញ្ចប់កិច្ចសន្យា.
ផ្សាយ:ថ្ងៃទី៩ ខែឧសភា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(HarryVS)
