ឯកឧត្តម ម៉ាង ស៊ីណេត អភិបាល នៃគណៈ អភិបាលខេត្តព្រះសីហនុ និងឯកឧត្តម សុខ គាង រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានអញ្ជើញចុះពិនិត្យសាលារឿនក្នុងស្រុកព្រៃនប់ ខេត្តព្រះសីហនុ..
(ខេត្តព្រះសីហនុ): នាព្រឹកថ្ងៃទី០២ ខែសីហា ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈ អភិបាលខេត្តព្រះសីហនុ និងឯកឧត្តម សុខ គាង រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានអញ្ជើញចុះពិនិត្យ សាលាមត្តេយ្យសិក្សាធនធាន ហ៊ុន សែន ព្រៃនប់ និង សាលាបឋមសិក្សាតេជោ ហ៊ុន សែន បឹងតាព្រហ្ម ក្នុងភូមិសាស្រ្តខេត្តព្រះសីហនុ ដោយមានការអញ្ជេីញចូលរួមពីពីសំណាក់មន្ត្រីជាន់ខ្ពស់រដ្ឋបាលខេត្ត ប្រធានមន្ទីរ នាយកសាលា និងលោកគ្រូ-អ្នកគ្រូ សិស្សានុសិស្សយ៉ាងច្រេីនកុះករ។
ក្នុងដំណេីរចុះត្រួតពិនិត្យសាលា ការសិក្សារបស់សិស្សានុសិស្ស ក្នុងស្រុកព្រៃនប់ ឯកឧត្តម អភិបាលខេត្ត និង ឯកឧត្តមសុខ គាង រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ ក៏សំណេះសំណាល ជាមួយលោកគ្រូអ្នកគ្រូ ព្រមទាំងធ្វេីការផ្តាំផ្ញេីអោយប្អូនដែលជាទំពាំងស្នងឫស្សី ត្រូវខិតខំរៀនសូត្រក្រេបយកចំណេះវិជ្ជា អោយពិតប្រាកដ ដេីម្បីជាសរសរទ្រូងក្នុងការជួយរាជរដ្ឋាភិបាលអភិវឌ្ឍន៍ប្រទេសជាតិ អោយកាន់តែរីកចំរេីនលេីឆាកអន្តរជាតិ នៅថ្ងៃអនាគត។
ជាមួយគ្នានោះ ឯកឧត្តម អភិបាលខេត្ត និង ឯកឧត្តមសុខ គាង រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ នាំយកនូវការប្រគល់-ទទួលម៉ាស៊ីន LCD Projector ចំនួន ១២គ្រឿង ជូនវិទ្យាល័យ ហ៊ុន សែន វាលរិញផងដែរ។
ផ្សាយ:ថ្ងៃទី២ ខែសីហា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី និងជាប្រធានប្រចាំខេត្តព្រះសីហនុ
សៅ វាសនា(HarryVS)
