សម្តេចតេជោ ហ៊ុន សែន៖ មានលទ្ធភាពជាច្រើន ដែលកងទ័ពថៃ អាចប្រើកម្លាំងយោធាវាយមកលើ កម្ពុជា នៅវេលាយប់នេះ, ខ្ញុំត្រូវប្រចាំការរួមបញ្ជា កង់ទ័ព ២៤ម៉ោងលើ២៤ម៉ោង..
(ភ្នំពេញ):នៅមុននេះបន្តិចសម្តេចអគ្គមហាសេនាបតីតេជោហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានធ្វេីការបង្ហោះសារលេីបណ្តាញសង្គមផ្លូវការរបស់សម្តេចដែលមានខ្លឹមសារទាំងស្រុងដូចតទៅ:
យោងតាមសេចក្តីប្រកាសរបស់អ្នកនាំ
ពាក្យក្រសួងការពារជាតិមុននេះបន្តិច
បានបង្ហាញថា មានលទ្ធភាពជាច្រើនដែលកងទ័ពថៃអាចប្រើកម្លាំងយោធា
វាយមកលើកម្ពុជានៅវេលាយប់នេះ។
ដោយសភាពការណ៍បែបនេះ ខ្ញុំមិនអាចដឹកនាំប្រជុំព្រឹទ្ធសភានៅព្រឹកថ្ងៃទី៤ខែសីហា ស្អែកនេះបានទេ បើទោះមានការប្រយុទ្ធ ឬគ្មានការប្រយុទ្ធគ្នាក៏ដោយ ព្រោះខ្ញុំត្រូវប្រចាំការរួមបញ្ជាកងទ័ព២៤ម៉ោងលើ២៤ម៉ោងបន្តទៀត។
ដូចនេះការប្រជុំព្រឹទ្ធសភាត្រូវប្រព្រឹត្ត
ទៅក្រោមអធិបតីភាពឯកឧត្តម
អ៊ុច បូរិទ្ធ អនុប្រធានទី១នៃព្រឹទ្ធសភា។
ម្យ៉ាងទៀត ខ្ញុំសូមការយោគយល់ជាមុនពីបងប្អូនដែលជូនសារជូនពរថ្ងៃកំណើតខ្ញុំ(៥សីហា២០២៥)ដែលខ្ញុំមិនអាចបើកមើលឬបើកមើលហើយតែមិនបានឆ្លើយតបព្រោះជាប់រវល់រឿងសង្រ្គាមនិងសន្តិភាពដែលជារឿងស្លាប់រស់របស់ជាតិ៕
ផ្សាយ:ថ្ងៃទី៣ ខែសីហា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)
