មន្ត្រីជំនាញសាខាការពារអ្នកប្រើ ប្រាស់ កិច្ចប្រកួតប្រជែង និង បង្ក្រាបការក្លែងបន្លំ ខេត្ត ព្រះសីហនុ (ក ប ប ) ចុះបង្ក្រាប និងធ្វើកិច្ចសន្យាដល់អាជីវករលក់គ្រឿង សមុទ្រនៅផ្សារ លើ ក្រុងព្រះសីហនុ ខេត្តព្រះសីហនុ ដោយសារលក់បង្ការឲ្យភ្ញៀវមានសារធាតុគីមី
ខេត្តព្រះសីហនុ ៖ កាលព្រឹក ថ្ងៃទី៣ ខែឧសភា ឆ្នាំ២០២៥មន្ត្រីជំនាញសាខាការពារអ្នកប្រើ ប្រាស់ កិច្ចប្រកួតប្រជែង និង បង្ក្រាបការក្លែងបន្លំ ខេត្ត ព្រះសីហនុ (ក ប ប )ចុះបង្ក្រាប និងធ្វើកិច្ចសន្យាដល់អាជីវករលក់គ្រឿង សមុទ្រនៅផ្សារ លើ ក្រុងព្រះសីហនុ ខេត្តព្រះសីហនុ ដោយសារលក់បង្ការឲ្យភ្ញៀវមានសារធាតុគីមី ។
លោក ឃុន ស៊ីម៉ន ប្រធានសាខាការពារអ្នកប្រើ ប្រាស់ កិច្ចប្រកួតប្រជែង និង បង្ក្រាបការក្លែងបន្លំ ខេត្ត ព្រះសីហនុ ឲ្យដឹងថា ក្រោយទទួលបានព័ត៌មានពីការ លក់បង្គារ នៅផ្សារ លើ ក្រុងព្រះសីហនុ ខេត្តព្រះសីហនុ មានសារធាតុគីមី លោកបានណែនាំមន្ត្រីចុះពិនិត្យ ជាក់ស្តែង និងបានធ្វើកិច្ចសន្យាចំពោះអាជីវករឈ្មោះ អ៊ុយ ចន្ទ ភេទ ស្រី ឆ្នាំកំណើត ១៩៨៣ មុខរបរ លក់ គ្រឿងសមុទ្រ មានទីលំនៅបច្ចុប្បន្នភូមិ ០១ សង្កាត់ ០៤ ក្រុងព្រះសីហនុ ខេត្តព្រះសីហនុ ។
ជាមួយគ្នានេះ អាជីវករឈ្មោះ អ៊ុយ ចន្ទ បានធ្វើ កិច្ចសន្យាចំពោះមុខអាជ្ញាធរ និងសមត្ថកិច្ចជំនាញ បញ្ឈប់ជាបន្ទាន់នូវការលក់ដូរគ្រឿងសមុទ្រ (បង្គារ) ដែលផ្ទុកសាធាតុគីមី ខូចគុណភាពប៉ះពាល់សុខភាព ត្រូវសន្យាគោរពតាមការណែនាំ របស់អាជ្ញាធរ និង សមត្ថកិច្ចពាក់ព័ន្ធ មិនលក់ដូរម្ហូបអាហា គ្រឿងសមុទ្រ គ្រប់ប្រភេទ ដែលមានសារធាតុគីមី ខូចគុណភាពបន្ត ទៀត។
ប្រសិនបើនាងខ្ញុំមិនគោរពតាមកាសន្យាខាងលើ នាងខ្ញុំ សុខចិត្តអោយអាជ្ញាធរមានសមត្ថកិច្ចបញ្ឈប់មុខរបរ លក់ដូរ គ្រឿងសមុទ្រ និងទទួលខុសត្រូវតាមច្បាប់ ទាំងស្រុង ចំពោះមុខសមត្ថកិច្ចជំនាញបានដកហូតបង្គារមានសារធាតុគីមីដែលនៅសេសសល់មានចំនួនជិត ៦គីឡូក្រាមយកទៅកំទេចចោល៕
ផ្សាយ:ថ្ងៃទី៥ ខែឧសភា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ
សៅ វាសនា(HarryVS)
