លោក ផល ចាន់សូឌី អនុប្រធានសមាគមសម្ព័ន្ធយុវជនសារព័ត៌មានដើម្បីសន្តិភាព ទទួលបន្ទុកផ្នែកសប្បុរសធម៌ តំណាងឲ្យ លោក មីន ចាន់ធី ប្រធានសមាគមសម្ព័ន្ធយុវជនសារព័ត៌មានដើម្បីសន្តិភាព បានអញ្ជើញទៅ សួរសុខទុក្ខ លោក អាន់ វណ្ណា សមាជិកអ្នកយកព័ត៌មានរបស់អង្គភាពគេហទំព័រសារព័ត៍មាន ASEAN DAILY នៅមន្ទីរពេទ្យជាតិ តេជោសន្តិភា
(រាជធានីភ្នំពេញ): នារសៀលថ្ងៃអាទិត្យ ទី៣១ ខែសីហា ឆ្នាំ២០២៥ នេះ លោក ផល ចាន់សូឌី អនុប្រធានសមាគមសម្ព័ន្ធយុវជនសារព័ត៌មានដើម្បីសន្តិភាព ទទួលបន្ទុកផ្នែក សប្បុរសធម៌តំណាងលោក មីន ចាន់ធី ប្រធានសមាគមសម្ព័ន្ធ យុវជនសារព័ត៌មានដើម្បីសន្តិភាព ព្រមទាំងសមាជិកអង្គភាពសារព័ត៌មានមួយចំនួនទៀត បានអញ្ជើញចុះ សួរសុខទុក្ខ សមាជិកក្រុមការងាររបស់គេហទំព័រអង្គភាពសារព័ត៌មាន ASEAN DAILY នៅមន្ទីរពេទ្យជាតិ តេជោសន្តិភាព នៅរាជធានីភ្នំពេញ។
ឆ្លៀតក្នុងឱកាសនោះ លោក ផល ចាន់សូឌី ក៏បានពាំនាំការផ្តាំផ្ញេីសួរសុខទុក្ខរបស់លោក មីន ចាន់ធី ប្រធានសមាគមសម្ព័ន្ធយុវជនសារព័ត៌មាន ដើម្បីសន្តិភាព ដែលជានិច្ចកាលលោកប្រធានតែងតែគិតគូរដល់ទុក្ខលំបាក់របស់សមាជិកក្រុមការងារ ក៏ដូចជាសូមជូនពរអោយឆាប់ជាសះស្បេីយពីជម្ងឺ ព្រមទាំងនាំយកថវិកាមួយចំនួនប្រគល់ ជូន លោក អាន់ វណ្ណា ជាភ្នាក់ងារយកព័ត៌មានរបស់ អង្គភាពសារព័ត៌មាន ASEAN DAILY ទុកសម្រាប់ជួយសម្រាល់ការលំបាក់របស់គ្រួសារលោកដែលកំពុងមានជំងឺគ្រុនឈាមសម្រាកនៅមន្ទីរពេទ្យផងដែរ។
លោក អាន់ វណ្ណា ព្រមទាំងភរិយា ដែលមានទីលំនៅភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត បច្ចុប្បន្នរស់នៅភូមិអណ្តូង១ សង្កាត់គោរកា ខណ្ឌ ព្រែកព្នៅ រាជធានីភ្នំពេញ ក៏បានគោរពជូនពរលោក ផល ចាន់សូឌីនិង លោក លោក មីន ចាន់ធី ប្រធានសមាគម សម្ព័ន្ធយុវជនសារព័ត៌មានដើម្បីសន្តិភាព និង ក្រុមការងារឲ្យជួបពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀនឃ្លាតឡើយ៕
ផ្សាយ:ថ្ងៃទី៣១ ខែសីហា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)
