ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ អញ្ជើញដឹកនាំមន្ត្រីជំនាញពាក់ព័ន្ធចុះពិនិត្យជំនាន់ទឹកភ្លៀងក្នុងភូមិសាស្រ្តក្រុងព្រះសីហនុ.
(ក្រុងព្រះសីហនុ): បន្ទាប់ពីកូនរដូវប្រាំងបានបញ្ចប់រដូវវស្សាក៏បានបន្ត ក្នុងក្រុងព្រះសីហនុប៉ុន្មានថ្ងៃនេះមានភ្លៀងធ្លាក់ជាប់ៗគ្នាជាច្រើនថ្ងៃភ្លៀងនៅតែបន្តឥតឈប់ឈរ ទាំងយប់ទាំងថ្ងៃរហូតធ្វេីអោយកន្លែងមួយចំនួនក្នុងក្រុងព្រះសីហនុទទួលរងនៅជំនន់ទឹកភ្លៀង នៅព្រឹក ថ្ងៃទី១៦ខែសីហា ឆ្នាំ២០២៥ នេះ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានអញ្ជើញដឹកនាំមន្ត្រីជំនាញពាក់ព័ន្ធចុះ ពិនិត្យភូមិសាស្ត្រទទួលរងជំនន់ទឹកភ្លៀងភ្លាមៗ ដើម្បីជួយអន្តរាគមន៍និងរកដំណោះស្រាយ ជូនប្រជាជនអោយបានទាន់ពេលវេលា។
ភ្លៀងនៅតែធ្លាក់ បាន បណ្តាលអោយតំបន់ទំនាបមួយចំនួនរង ការជន់លិចដោយកន្លែង មួយរយៈខ្លី ព្រោះទឹកហូរមិនទាន់ ជំនន់ទឹកភ្លៀងនេះនឹងស្រកចុះអស់ ក្នុងរយៈពេលខ្លីប្រសិនបើបរិមាណទឹកភ្លៀង បានថយចុះ។
ប្រឡាយ អូរជាច្រេីនជាផ្លូវរំដោះទឹកពីតំបន់រងទឹកភ្លៀង កន្លែងខ្លះដោយសារផ្ទៃអូររួមតូច មានដីបាក់ចូល និងមានជាប់ស្ទះដោយសំណល់ សម្រាមអនាធិបតេយ្យតាមទឹកភ្លៀងខ្លះផង បាននាំអោយស្ទះផ្លូវទឹកបង្កជាជំនន់ក្នុងរយៈពេលខ្លី។
បញ្ហានេះនឹងត្រូវបានរកវិធីដោះស្រាយភ្លាម ក្រោមការបញ្ជាផ្ទាល់ពីសំណាក់ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ និងមន្ត្រីជំនាញពាក់ពន្ធ ដេីម្បីឆ្លេីយតបអោយទាន់ពេលវេលាដែលប្រជាពលរដ្ឋចង់បាន ព្រោះថាកន្លងមកមិនថាមានភ្លៀងធ្លាក់ខ្លាំងប៉ុណ្ណា យូរយ៉ាងណាក៏រដ្ឋបាលខេត្តតែងតែគ្រប់គ្រងបានទាន់ពេលវេលាជានិច្ច។
ផ្សាយ:ថ្ងៃទី១៦ ខែសីហា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីនិងជាប្រធានប្រចាំខេត្តព្រះសីហនុ
សៅ វាសនា(HarryVS)
