សម្តេចតេជោ៖ ពេលប្រជាជន និងកងទ័ពកម្ពុជា កំពុងរងទុក្ខ វេទនាពីការឈ្លានពានរបស់ថៃ តែបែរជាមានជនជាតិខ្មែរម្នាក់ សរសើរកងទ័ពថៃឈ្លានពាន និងបង្អាប់កងទ័ពខ្មែរទៅវិញ តើគេជាមនុស្សឬជាសត្វ?(មានវីដេអូ)..
(ភ្នំពេញ): នៅវេលាព្រឹកថ្ងៃទី១១ ខែសីហា ឆ្នាំ២០២៥ នេះសម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្របានធ្វេីការបង្ហោះសារនៅលេីបណ្តាញទំនាក់ទំនងសង្គមផ្លូវការរបស់សម្តេចដោយមានខ្លឹមសារទាំងស្រុងដូចខាងក្រោម:
បងប្អូនជនរួមជាតិជាទីស្រឡាញ់!
នៅពេលប្រជាជននិងកងទ័ពយើងបាន
និងកំពុងរងទុក្ខវេទនាដោយការឈ្លាន
ពានរបស់ថៃដែលក្នុងនោះសាលារៀន វត្តអារាម ផ្ទះប្រជាជន
រហូតដល់ប្រាសាទបុរាណរាប់ទាំង
ប្រាសាទព្រះវិហារត្រូវកងទ័ពថៃ
បាញ់ប្រហារ បង្ខំឲ្យប្រជាជនរាប់មុឺន
គ្រួសារត្រូវរត់ចោលផ្ទះសំបែងក្លាយ
ជាជនភៀសសឹកដែលជាការឈឺចាប់
របស់ជាតិទាំងមូលនោះហេតុអ្វីបានជា
មានជនជាតិខ្មែរម្នាក់មកនិយាយសរសើរកងទ័ពថៃឈ្លានពាននិងបង្អាប់
កងទ័ពខ្មែរទៅវិញ។
តើគេជាមនុស្សឬជាសត្វ?តើគេស្នេហាជាតិឬក្បត់ជាតិ?សូមបងប្អូន
ស្តាប់និងគិតខ្លួនឯងផងចុះ។
ខ្ញុំសុខចិត្តប្រើផេកផ្លូវការរបស់ខ្ញុំដែល
មានមនុស្សតាម១៥លាននាក់ជួយ
ផ្សព្វផ្សាយសំដីពិតរបស់គាត់ដូចមាន
ភ្ជាប់ជាមួយ។
ផ្សាយ:ថ្ងៃទី១១ ខែសីហា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)