បំបែកក្បួនសឹកកម្ពុជាមិនបាន ថៃមានផែនការប្រើវិធីទំលាក់គ្រាប់ដើម្បីធ្វើឃាតសម្តេច ហ៊ុន សែន និង សម្តេចធិបតី!
(ភ្នំពេញ): បំបែកក្បួនសឹកកម្ពុជាមិនបាន ចង់លេងមេយុទ្ធសាស្ត្រកម្ពុជាផង, តើគិតថាទៅរួចមែនទេ? គម្រោងផែនការរបស់ថៃ ប្រើវិធីទំលាក់គ្រាប់ដើម្បីធ្វើឃាតសម្តេច ហ៊ុន សែន និង សម្តេចធិបតី! មិនថាប្រជាជនកម្ពុជាថ្កោលទោសទេ ប្រទេសដែលអ្នកឈ្លានពាន ក៏គេមិននៅស្ងៀមដែរ។ អ្នកហ៊ានធ្វើដាក់កម្ពុជា អ្នកក៏ហ៊ានធ្វើដាក់ប្រទេសដែលរងការឈ្លានពានពីអ្នកដែរ។ លើសពីនេះ អ្នកនឹងត្រូវពិភពលោកខ្ចប់ដាក់ក្នុងបង្គន់!
អង្គភាព Fresh News ចេញផ្សាយព្រឹកនេះថា យោងតាមប្រភពផ្លូវការដែលអាចជឿជាក់បាន, តាមព័ត៌មានចារកម្មរបស់បរទេសមួយបានយកការណ៍ថា ថៃមានផែនការប្រើប្រាស់យន្តហោះ AT6 TH light attack បំពាក់ដោយគ្រាប់ Korean GPS Guided bomb ដែលងាយគេច និងតូចងាយវាយប្រហារជាងប្រើ F16 វាយប្រហារដែលមានល្បឿនលឿន មិនអាចឱ្យកងទ័ពកម្ពុជាមានឱកាសប្រើកាំជ្រួចបាញ់បានដើម្បីធ្វើឃាដសម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត។
តាមការឲ្យដឹងពីស្ថាប័នចារកិច្ចបរទេសមួយថា ថៃបានទទួលយន្តហោះចំនួន៨គ្រឿងនិងគ្រាប់ចំនួន២០០គ្រាប់ និងប្រភេទយន្តហោះផ្សេងទៀតចំនួន ៤ គ្រឿងកាលពីថ្ងៃទី២៩ ខែកក្កដា ឆ្នាំ២០២៥ ដែលយកទៅជួសជុល និងទិញគ្រាប់ពីប្រទេសកូរ៉េខាងត្បូង។ កាំជ្រួចទាំងនេះមានសមត្ថភាព និងគ្រោះថ្នាក់បំផុត ព្រោះមាន GPS នាំផ្លូវបាញ់ ឬទម្លាក់ចំគោលដៅល្អ។
តាមគម្រោងដែលកងទ័ពអាកាសថៃ រៀបចំផែនការ គឺការប្រើយន្តហោះនេះសាកល្បងប្រើនៅភ្នំទ្រព្យសិន ជាការសាកល្បងប្រសិទ្ធភាពរបស់វា ហើយពីថ្ងៃ៤ ខែសីហា ឆ្នាំ២០២៥ ពួកគេរង់ចាំការសិក្សាពីសមរភូមិតាមព្រំដែន ប្រសិនជាពុំអាចវាយកាន់កាប់តំបន់ទាំង៨ បាននោះទេ គឺថៃនឹងប្រើយន្តហោះ AT6 TH light attack ហោះចេញពីខេត្តត្រាត ជៀសការយកចិត្តទុកដាក់ ពីកងកម្លាំងការពារដែនសមុទ្រកម្ពុជា និងរង់ចាំការផ្តល់ ទីតាំងពីចារកម្មខាងក្នុងកម្ពុជា រកចំណុចគេហដ្ឋានរបស់សម្តេចហ៊ុន សែន និង សម្តេចហ៊ុន ម៉ាណែត ឱ្យបានគឺប្រើឱកាសបាញ់គ្រាប់បែកនេះធ្វើឃាតឱ្យបានសម្រេចតែម្តង៕
ផ្សាយ:ថ្ងៃទី៥ ខែសីហា ឆ្នាំ២០២៥
ប្រភព Fresh News
ដោយ:និពន្ធនាយករងអង្គភាពអាស៊ានដេលី
សៅ វាសនា(HarryVS)
