អគារមជ្ឍមណ្ឌលហិរញ្ញវត្ថុ អន្តរជាតិ របស់គម្រោង បេ អហ្វ ឡាយថ៍ (BAY OF LIGHTS) បានបេីកអោយដំណេីរការ ក្រោមអធិបតីភាព ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ.
(ខេត្តព្រះសីហនុ)៖ នាព្រឹកថ្ងៃទី៨ ខែកញ្ញា ឆ្នាំ២០២៥ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានអញ្ជើញជាអធិបតីភាពដ៏ ខ្ពង់ខ្ពស់ក្នុងពិធីសម្ពោធដាក់ឱ្យប្រើប្រាស់សាកល្បង អគារការិយាល័យហិរញ្ញវត្ថុ អន្តរជាតិ (International Finance Center) របស់គម្រោង បេ អហ្វ ឡាយថ៍ (BAY OF LIGHTS) ស្ថិតនៅភូមិអុង ឃុំរាម ក្រុងកំពង់សោម ខេត្តព្រះសីហនុ ដោយមានការចូលរួមពីលោកអភិបាលរងខេត្ត លោកអភិបាលក្រុង ប្រធានមន្ទីរ-អង្គភាព ភ្ញៀវជាតិ និងអន្តរជាតិយ៉ាងច្រេីនកុះករ ។
លោក David Richard Dobson នាយក អភិវឌ្ឍន៍អាជីវកម្មជាន់ខ្ពស់ មានប្រសាសន៍ស្វាគមន៍ដោយបញ្ជាក់ថា ការដាក់ឱ្យប្រើប្រាស់អគារមជ្ឈមណ្ឌលហិរញ្ញវត្ថុអន្តរជាតិ (International Finance Center)នៅក្នុងគម្រោង បេ អហ្វ ឡាយថ៍ (BAY OF LIGHTS) នាពេលនេះនឹងក្លាយជាចលករមួយសម្រាប់ ខេត្តព្រះសីហនុ ក្នុង ការជំរុញវិនិយោគដោយផ្ទាល់ពីបរទេសឲ្យចូលក្នុងប្រទេសកម្ពុជា។ ព្រមទាំងបង្កើតឱកាសការងារគ្មានដែន កំណត់ ក៏ដូចជាការនាំចូលជំនាញ និងសេវាកម្មអន្តរជាតិ ហើយក៏ជាគម្រោងអភិវឌ្ឍន៍ដ៏អស្ចារ្យដែលអាចឈរជើងលើឆាកអន្តរជាតិដែលអាចប្រកួតប្រជែងលេីពិភពលោក ប៉ុន្តែដើម្បីសម្រេចនូវគោលបំណងនេះ ត្រូវការចំណាយពេលវេលាក្នុង ការធ្វើផែនការ និងភាពឯកភាពគ្នាជាបន្តបន្ទាប់ ហើយពួកយើងមានយុទ្ធសាស្ត្រយ៉ាង ច្បាស់លាស់ពីមុន និងចាប់ផ្តើមគម្រោង Bay of Lights ពីដី ទំនេរដែលមិនទាន់មានអ្វីសោះ មកជាតំបន់អភិវឌ្ឍន៍ វានឹងទាក់ទាញក្រុមហ៊ុនអន្តរជាតិផ្សេងៗផ្តល់នូវការតភ្ជាប់កម្ពុជាទៅកាន់ទីផ្សារ អន្តរជាតិច្រើនជាងមុន ហើយបង្កើតឱកាសអាជីវកម្មក្នុងស្រុកមាន ការរីកចម្រើនកាន់តែខ្លាំង ហេីយបច្ចុប្បន្នក្រុមកំពុងធ្វេីការវិនិយោគ និងអភិវឌ្ឍលេីផ្ទៃជាច្រេីនរយហិកតាក្នុងការធ្វេីអោយគម្រោងមួយនេះក្លាយជាទីក្រុងដ៏សំបូរបែបនាថ្ងៃអនាគត៕
ឯកឧត្តម ម៉ាង ស៊ីណេត អភិបាលខេត្តព្រះសីហនុ បានបញ្ជាក់ថា គម្រោង Bay of Light គឺជាគម្រោងអាទិភាពដ៏ សំខាន់មួយដែលរាជរដ្ឋាភិបាល និងរដ្ឋបាលខេត្តព្រះសីហនុបាននឹងកំពុងគាំទ្រ និងខិតខំជួយសម្របសម្រួល ដើម្បីឱ្យគម្រោងនេះដំណើរការបានដោយ រលូន និងទទួលបានជោគជ័យតាមដំណាក់ការនីមួយៗជាបន្ត បន្ទាប់។
ឯកឧត្តម ម៉ាង ស៊ីណេត អភិបាលខេត្តព្រះសីហនុ ក៏បាន ថ្លែងកោតសរសើរ និងវាយតម្លៃខ្ពស់ចំពោះក្រុមហ៊ុន ដែលខិតខំ ប្រឹងប្រែងអភិវឌ្ឍន៍គម្រោង បេ អហ្វ ឡាយថ៍ (BAY OF LIGHTS) ពី មួយថ្ងៃទៅមួយថ្ងៃកាន់តែល្អប្រសើរឡើង។ បានចូលរួមចំណែកយ៉ាង សំខាន់ក្នុងការជំរុញការអភិវឌ្ឍន៍រួមទាំងការលើក កម្ពស់វិស័យ ទេសចរណ៍ និងសេដ្ឋកិច្ចក្នុងខេត្តឱ្យកាន់តែទទួលបានភាពទាក់ទាញ និងរីកចម្រើន ជាពិសេសផ្តល់ការងារជូនប្រជាពលរដ្ឋទាំងក្នុងខេត្ត និងមកពីបណ្តាខេត្តផ្សេងៗ ដើម្បីចូលរួមចំណែកជាមួយរាជ រដ្ឋាភិបាលកម្ពុជា ក្នុងការលើកកម្ពស់កម្រិតជីវភាព និងកាត់បន្ថយ ភាពក្រីក្ររបស់ប្រជាពលរដ្ឋស្របតាមគោល នយោបាយ និងយុទ្ធ សាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា គឺ ដើម្បីកំណើនការងារ សមធម៌ ប្រសិទ្ធភាព និងចីរភាព ដែលជាមូល ដ្ឋានគ្រឹះឆ្ពោះទៅសម្រេចបានចក្ខុវិស័យកម្ពុជាឆ្នាំ២០៥០ ។
ផ្សាយ:ថ្ងៃទី៨ ខែកញ្ញា ឆ្នាំ២០២៥
ដោយ:សៅ វាសនា(HarryVS)
