ចាក់ដីចូលច្រាំងទន្លេបុកគ្រិះសាងសង់សំណង់រឹង  ស្ថិតនៅឃុំថ្មគរ ស្រុកល្វាឯម ខេត្តកណ្ដាល តើមានច្បាប់សាងសង់ដែលឬទេ សូមស្ថាប័នពាក់ព័ន្ធចុះត្រួតពិនិត្យផងទាន 

វគ្គ១
ខេត្តកណ្តាល : ករណីចាក់ដីចូលច្រាំងទន្លេ និងសាងសង់សំណង់រឹងមួយកន្លែង ស្ថិតនៅភូមិផ្លូវត្រី  ឃុំថ្មគរ ស្រុកល្វាឯម ខេត្តកណ្ដាល ដោយមិនទាន់ដឹងថា មានលិខិតអនុញាតដែលឬទេ សូមថ្នាក់ដឹកនាំគ្រប់ជាន់ថ្នាក់ មេត្តាត្រួតពិនិត្យ ដោយក្តីអនុគ្រោះ។
សំណង់រឹងដល់ អស្ចារ្យ មួយកន្លែងនេះបុកគ្រិះយ៉ាងរឹងមាំ មិនដឹងថា ជារបស់ឯកឧត្តមរូបណានោះទេ បច្ចេកទេសសាងសង់ដ៏ប្រណិត ចាក់ដីចូលច្រាំងទន្លេ ទាក់ទាញអារម្មណ៍ក្នុងការគយគន់ទេសភាព ដោយឡែក សូមមន្ត្រី ភូមិបាលស្រុកល្វាឯម មេត្តាជួយត្រួតពិនិត្យ ដោយក្តីអនុគ្រោះ  ។
យោងច្បាប់ស្តីពីសំណង់, មាត្រា២៦ សាងសង់ដោយពុំមានលិខិតអនុញ្ញាតសាងសង់ ពីអាជ្ញាធរមានសមត្ថកិច្ច, មាត្រា៣៨ សាងសង់ដោយពុំមានលិខិតអនុញ្ញាតបើកការដ្ឋានសាងសង់ពីអាជ្ញាធរមានសមត្ថកិច្ច។
យោងអនុក្រឹត្យលេខ ២២៤ អនក្រ.បក ចុះថ្ងៃទី៣០ ខែធ្នូ ឆ្នាំ២០២០ ស្តីពីលិខិតអនុញ្ញាតសាងសង់, មាត្រា៨ សាងសង់ដោយពុំមានលិខិតអនុញ្ញាតសាងសង់ ពីអាជ្ញាធរមានសមត្ថកិច្ច, មាត្រា៣៧ សាងសង់ដោយពុំមានលិខិតអនុញ្ញាតបើកការដ្ឋានសាងសង់ ពីអាជ្ញាធរមានសមត្ថកិច្ច
យោង អនុក្រឹត្យ លេខ ៩៨ អនក្រ.បក ចុះថ្ងៃទី ២៤ ខែកក្កដា ឆ្នាំ២០១៥ស្តីពីការគ្រប់គ្រងអាងទន្លេ, មាត្រា៨ ដោយបានសាងសង់រំលោភលើដីចំណីមាត់ច្រាំងទន្លេ។
អង្គភាពសារព័ត៌មានASEAN DAILY យើងបានធ្វើសេចក្តីរាយការណ៍និងធ្វើការបទសម្ភាសន៍ លោកលីវ វណ្ណថេង អភិបាល ស្រុកល្វាឯម រួចហើយនៅក្នុងនោះលោកអភិបាលបានប្រាប់សារព័ត៌មានយើងថា និងចាំអោយគេចុះទៅមើល។
អង្គភាពសារព័ត៌មានASEAN DAILY យើងបានទំនាក់ទំនងទៅលោកកាន់ណារិទ្ធ ប្រធានមន្ទីររៀបចំដែនដីនគររូបនីយកម្មនិងសំណង់ខេត្តកណ្ដាល ដើម្បីធ្វើសេចក្តីរាយការណ៍តាមរយ: ទូរស័ព្ទលេខ ០១២៨៥០៣០៧  តែលោកប្រាប់ថា លោកជាប់រវល់បន្តិតហើយក៏បិទទូរស័ព្ទតែម្តង  ។
អង្គភាពសារព័ត៌មានASEAN DAILY យើងខ្ញុំ សូមធ្វើសេចក្តីរាយការណ៍ជូន និងស្នើសុំដល់ឯកឧត្តមគួចចំរើនអភិបាលនៃគណៈអភិបាលខេត្តកណ្ដាលនិងជាគណៈបញ្ជាការឯកភាពគ្រប់គ្រងសម្បត្តិរដ្ឋសូមមេត្តាចាត់មន្ត្រីជំនាញចុះត្រួតពិនិត្យករណី ចាក់ដីចូលច្រាំងទន្លេបុកគ្រិះសាងសង់សំណង់រឹង  ដោយក្តីអនុគ្រោះ។
អង្គភាពសារព័ត៌មានASEAN DAILY យើងសង្ឃឹមថា ឯកឧត្តម រដ្ឋមន្ត្រី ក្រសួងធនធានទឹកនិងឧតុនិយមនិងឯកឧត្តមរដ្ឋមន្ត្រីក្រសួងរ៉ែនិងថាមពល សូមមេត្តាចាត់មន្ត្រីជំនាញចុះអធិការកិច្ច្ ដោយក្តីអនុគ្រោះ។
អង្គភាពសារព័ត៌មានASEAN DAILY យើងខ្ញុំ  ស្នើសុំ ដល់ឯកឧត្តម សាយសំអាល់ រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ សូមមេត្តាចាត់មន្ត្រីជំនាញ ចុះអធិការកិច្ច ចំពោះសំណង់រឹងចាក់ដីចូលច្រាំងទន្លេ  ដែលបានធ្វើសេចក្តីរាយការណ៍ខាងលើ ថាតើមានលិខិត អនុញាតឬមួយយ៉ាងណា  ស្របតាមលក្ខខណ្ឌរបស់ក្រសួងដែលឬទេ ដោយក្តីអនុគ្រោះ។
អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបសារព័ត៌មានសូមអរគុណ។