លោក សាមុត សុធារិទ្ធ អភិបាលរងខេត្តព្រះសីហនុ អញ្ជើញជាអធិបតីក្នុងពិធីអបអរសាទរលទ្ធផលសិក្សាប្រចាំឆ្នាំ២០២៤-២០២៥ និងការសម្ពោធដាក់ឱ្យប្រើប្រាស់ទីតាំងថ្មីសាលាប៉ាម៉ាអន្តរជាតិ និងការប្រកាសបើកបវេសនកាលឆ្នាំសិក្សាថ្មី ឆ្នាំ ២០២៥-២០២៦។
(ខេត្តព្រះសីហនុ):នៅព្រឹកថ្ងៃទី១៦ ខែសីហា ឆ្នាំ២០២៥ លោក សាមុត សុធារិទ្ធ អភិបាលរងនៃគណអភិបាលខេត្តព្រះសីហនុ តំណាងដ៏ខ្ពង់ខ្ពស់ឯកឧត្តម ម៉ាង ស៊ីណេត បានអញ្ជើញជាអធិបតី ពិធីអបអរសាទរលទ្ធផលសិក្សាប្រចាំឆ្នាំ២០២៤-២០២៥ និងការសម្ពោធដាក់ឱ្យប្រើប្រាស់ទីតាំងថ្មីសាលាប៉ាម៉ាអន្តរជាតិ និងការប្រកាសបើកបវេសនកាលឆ្នាំសិក្សាថ្មី ឆ្នាំ ២០២៥-២០២៦ស្ថិតនៅតាមបណ្តោយផ្លូវលេខ១១១ ភូមិ៣ សង្កាត់លេខ២ ក្រុងព្រះសីហនុ ខេត្តព្រះសីហនុ។
លោក សាមុត សុធារិទ្ធ បានថ្លែងអបអរសាទរចំពោះសាលាប៉ាម៉ាអន្តរជាតិដែលបានធ្វេីការបេីកពង្រីកនូវសាខាថ្មីរបស់ខ្លួន ដែលជាផ្នែកមួយជួយជម្រុញដល់វិស័យអប់រំសិក្សាក្នុងខេត្តព្រះសីហនុ ក៏ដូចគ្នាជាខឿនក្នុងការបណ្តុះបណ្តាលនូវចំណេះដឹង បង្កេីនធនធានមនុស្សក្នុងការជួយអភិវឌ្ឍសង្គមជាតិ ដែលស្របទៅ នឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជាដែលមានអទិភាពគន្លឹះ ៥គឺ មនុស្ស ផ្លូវ ទឹក ភ្លើង និងបច្ចេកវិទ្យា។
ក្នុងឱកាសនោះ លោក សាមុត សុធារិទ្ធ ក៏បានផ្តល់កិត្តិយសថតរូប និងប្រគល់-បំពាក់មេដាយដល់ប្អូនៗសិស្សានុសិស្សប្រកបដោយក្តីរីករាយផងដែរ។
សូមបញ្ជាក់: រហូតមកដល់បច្ចុប្ប្ននេះសាលាអន្តរជាតិប៉ាម៉ាមានទីតាំងចំនួន ៣កន្លែងនៅក្រុងព្រះសីហនុ មានកម្មវិធីសិក្សាស្របតាមគោលការក្រសួងអប់រំយុវជន និងកីឡា ព្រមទាំងមានលោកគ្រូ អ្នកគ្រូប្រកបដោយបទពិសោធន៍ និងជំនាញច្បាស់លាស់។
ផ្សាយ:ថ្ងៃទី១៦ ខែសីហា ឆ្នាំ២០២៥
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ.
សៅ វាសនា(HarryVS)
